Create Your Shape, Extend Your Potential.
Din kienet it-tema li xprunat l-ewwel konferenza Eurodesk f’Malta, imtella’ minn Aġenzija Żgħażagħ u li laqgħet numru ta’ żgħażagħ u persuni jaħdmu maż-żgħażagħ, kemm dawk f’għaqdiet lokali u anke dawk f’għaqdiet internazzjonali.
Dan bil-għan li jiddiskutu u joħorġu bl-ideat għall-ġid taż-żgħażagħ, anke permezz tan-numru ta’ workshops immexxija mill-youth workers fi ħdan l-aġenzija, filwaqt li jaqsmu ħsibijiethom permezz ta’ din il-kollaborazzjoni.
Din il-konferenza esplorat kif jista’ jintlaħaq il-potenzjal taż-żgħażagħ għall-benefiċċju individwali u tas-soċjetà.
Is-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti tkellem dwar l-importanza tal-ħidma ta’ voluntiera maż-żgħażagħ.
Il-Kap Eżekuttiv ta’ Aġenzija Żgħażagħ Miriam Teuma elenkat l-importanza ta’ konferenza bħal din, fejn diversi stakeholders mhux biss esploraw il-potenzjal taż-żgħażagħ, iżda raw ukoll kif dan jista’ jikber.
