Kmieni dalgħodu ġie rreġistrat terremot fi Sqallija, qrib Katanja

Terremot irreġistrat b’qawwa ta’ 3.1 inħass fil-provinċja ta’ Katanja kmieni dalgħodu.

Dan seħħ għall-ħabta ta’ l-4:00 ta’ filgħodu, madwar 11-il kilometru ’l bogħod minn Ramacca, muniċipalità fil-belt metropolitana ta’ Katanja.

It-theżżiża kienet irreġistrata mill-Istitut Nazzjonali tal-Ġeofiżika u l-Vulkanoloġija f’fond ta’ madwar 9 kilometri.