Li tkun Malti barra mill-pajjiż jaf tfisser li fi żmien il-Milied tħoss in-nuqqas ta’ art twelidek.
Hekk ġralha tfajla li fuq il-paġna Facebook ‘Australian Maltese’ stqarret li l-bandiera Maltija hija l-aktar rigal sabih tal-Milied li qatt irrigalat lilha nfisha.
Il-bandiera Maltija, però, mhix imxejjra minn fuq xi bejt jew imdendla mal-ħajt. Tużaha biex biha tgħatti s-seats tal-karozza.
Il-kummenti kienu bosta. Min qal li s-salib Malti jkun tajjeb għal xi tattoo, u min staqsa minn fejn jista’ jixtri bandiera simili. Wieġbuha li jinsabu f’Parklea Markets, fil-punent ta’ Sydney, għal $40.
