Il-kantanta Maltija li għandha 23 sena, Kelsey Bellante, se tkun qed tniedi diska ġdida bi stil pop, bl-isem ta’ ‘Heartbeat’.
Il-kanzunetta hija miktuba minn Rikki Lee Scicluna u Jacob Critch, bi produzzjoni ta’ Gilkicker Studios, waqt li l-filmat, miġbud fil-gżejjer Maltin, huwa miġbud minn Kurt Cauchi.
Heartbeat hija kanzunetta li titratta s-saħħa tal-imħabba u s-sinfonija sabiħa ta’ taħbit qalb il-bniedem.
L-isfond ambjentali li hija orjentata fih din il-kanuznetta, jkompli isaħħaħ l-impatt emozzjonali tal-kanzunetta, filwaqt li jipprovdi vjaġġ viżwali lil dawk li jkunu qegħdin isegwu.
“Heartbeat hija kanzunetta tassew għal qalbi, u ninsab eċitata ferm li naqsamha magħkom’ tgħid Kelsey Bellante.
Bellante ħadet sehem ukoll fi produzzjonijiet rinomati, bħal Mużika Mużika u XFactor.
Heartbeat ta’ Kelsey Bellante se tkun disponnibbli biex tinstema’ jew tinxtara minn fuq il-pjattaformi diġitali ewlenin inkluż: Spotify, iTunes, Apple Music, YouTube, Google Play u Amazon Music fost l-oħrajn. Dan kien possibbli grazzi għal CAP-Sounds, kumpanija tad-distribuzzjoni Ġermaniża.
