Tliet sewwieqa tal-karting Maltin, Mason Barun, Benjamin Piscopo u Jacob Micallef, ivvjaġġaw lejn iċ-ċirkwit ta’ Franciacorta b’250 biex jieħdu sehem fl-ewwel rawnd tal-WSK Euro Series.
Mason Barun, ikkompeta fi klassi ma’ 29 sewwieq ieħor. Minkejja li ffaċċja diversi problemi ta’ chassis u mekkaniċi, irnexxielu jikkwalifika fil-ħdax -il post. Il-vjaġġ tiegħu ma kienx mingħajr sfidi, huwa ġie sfurzat barra mill-korsa fit-tieni kantuniera matul l-ewwel tiġrija, u n-nuqqas ta’ veloċità tal-magna xekkel il-kompetittività tiegħu minkejja titjib fis-setup tax-chassis. Fit-tieni tiġrija, niżel għal P22, u P21 fit-tielet tiġrija. Fil-prefinali, niżel fit-tlettax il-post minn 20 sewwieq, riżultat tajjeb iżda mhux biżżejjed biex jikkwalifika għall-aħħar tiġrija. Wara t-tellieqa, il-kliem ta’ gratitudni u mħabba ta’ Barun lejn il-familja tiegħu għamel eku tar-reżiljenza tiegħu: “Li tikkompeti kontra sewwieqa b’talent bħal dan kienet sfida iebsa. Irrid sinċerament nirringrazzja lill-familja tiegħi tal-appoġġ bla waqfien tagħhom, speċjalment lill-ġenituri tiegħi, għas-sagrifiċċji li għamlu għalija napprezza u nħobbkom ilkoll!”
Benjamin Piscopo, ikkompeta fil-klassi GR3 under 10, klassi ta 47 sewwieq. Beda billi kkwalifika fil-pożizzjoni 38, u wera ħarsa pożittiva u fiduċja fil-kapaċitajiet tiegħu. Fl-ewwel heat, spiċċa fit-13 il-posizzjoni, u fi-tmintax fit-tieni. Fit-tielet reġa irritorna fit-tlettax il-poizzjoni. Huwa spiċċa l-Pre Finali fl’għaxar posizzjoni u il-finali fl-għoxrin. Wara t-tellieqa, Piscopo esprima s-sodisfazzjon tiegħu bir-riżultat, li jemmen li kien se jsaħħaħ il-fiduċja tiegħu għat-tiġrija li jmiss tal-Kampjonat Nazzjonali Taljan f’Sarno mit-18 sal-21 ta’ Lulju. Il-ħarsa pożittiva u d-determinazzjoni tiegħu kienu evidenti fi kliemu: “Ninsabu kuntenti ħafna bir-riżultat li jagħtina fiduċja għat-tellieqa li ġejja tal-Kampjonat Nazzjonali Taljan li se ssir f’Sarno mit-18 sal-21 ta’ Lulju.”
Jacob Micallef, li kkompeta fil-klassi OK Senior bi 42 sewwieq, ikkwalifika fit-12-il pożizzjoni. Hekk kif intensifikat il-kompetizzjoni, huwa spiċċa fil-15-il post wara l-heats u fl-20 post fil-finali, u wera l-ispirtu kompetittiv u d-determinazzjoni tiegħu.
It-tieni rawnd tal-WSK Euro Series, avveniment mistenni ħafna, huwa mistenni li jsir f’Sarno fid-29 ta’ Settembru. L-eċċitament huwa palpabbli hekk kif din it-tellieqa li ġejja twiegħed li tkun kapitlu ieħor eċċitanti fil-vjaġġ ta’ dawn is-sewwieqa tal-karting Maltin ta’ talent.
