Għall-ewwel darba fl-istorja tal-futbol intużat il-karta l-ħadra, b’Christian Galano ta’ Vicenza li jilgħabu fis-Serje B tal-Italja jkun l-ewwel plejer rikonoxxut b’din il-karta.
Kuntrarju għall-karta l-ħamra u safra, il-karta l-ħadra tintwera meta r-referee jidirlu li plejer kien ġust fil-mod kif aġixxa. Din l-inizjattiva kienet imħabbra mill-uffiċjali tal-istess league fil-bidu tal-istaġun.
Dak il-plejer li l-iktar jirċievi karti ħodor, se jkun premjat hekk kif jintemm is-Serje B.
Galano intwera din il-karta wara li ammetta li l-ebda difensur tat-tim oppost Vitrus Entella ma miss il-ballun meta Vicenza kienu premjati corner.
