Birkirkara St Joseph Sports Club ospitat it-tieni tellieqa tal-Kampjonati Garmin Malta Open Water Swimming.
Luca Vella u Amy Micallef ħadu l-unuri tal-ġurnata fuq korsa ta’ 2km tul il-kosta taċ-Ċirkewwa. Din kienet l-ewwel darba li dan il-post intuża għal dawn Kampjonati tal-ilma miftuħ, u l-kundizzjonijiet tat-temp, minkejja xi kurrenti ħfief fuq il-parti tad-dar tal-korsa, kienu meqjusa qrib l-ideali.
Luca Vella ħa l-vantaġġ quddiem Sam Camilleri u Giuseppe Borg li spiċċaw fit-tieni u t-tielet post rispettivament. Amy Micallef kompliet is-sensiela tar-rebħ tagħha, u spiċċat fir-raba’ post fil-klassifika ġenerali. Fit-tieni post spiċċat Martina Micallef, segwita minn Keira Balzan Hili li dakinhar għamlet id-debutt fil-podju f’dawn it-tip ta’ Kampjonati.
Il-midalji lill-ewwel tliet rebbieħa ġew ippreżentati minn Mark Gaglione, rappreżentant tal-isponsor Garmin Malta, immedjatament wara t-tiġrija.
Euchar Camilleri, is-Segretarju Ġenerali ta’ Birkirkara St Joseph Sports Club, ikkonferma li t-tiġrija li jmiss, skedata li ssir fid-19 ta’ Lulju, se ssir fl-istess post.
Il-Kampjonati Garmin BSJ Open Water Swimming qed isiru taħt l-awspiċji tal-Assoċjazzjoni tal-iSport Akwatiku ta’ Malta.
