Malta bdiet l-impenji tagħha fil-Kampjonati Ewropej ta’ taħt il-19 il-sena b’telfa ta’ 4 – 0 kontra l-Italja fl-Stadium Nazzjonali f’Ta’ Qali.
Quddiem attendanza sabiħa l-Italja ta’ Alberto Bollini kienu dominanti tul il-partita kollha u meritatament rebħu l-konfront.
L-Italja bdew tajjeb u fil-17 il-minuta konklużjoni ta’ Pio Esposito ġiet salvata minfuq il-linja minn Mattias Ellul. Sekondi biss wara l-Italja marru fil-vantaġġ meta d-daqqa ta’ ras ta’ Luca Lipani ħabtet ma’ id Alfie Bridgman bir-referee minn Iżrael Yigal Frid jordna penalty li minnhu Cher N’Dour ma’ falliex għal 1 – 0.
Ir-reazzjoni ta’ Malta waslet fil-23 minuta meta konklużjoni ta’ Lucas Caruana spiċċat ftit barra. Żewġ minuti wara l-Italja mill-ġdid perikolużi meta free-kick ta’ Cher N’Dour spiċċa mal-lasta.
L-Italja ġew mogħtija penalty ieħor ma’ ftit aktar min nofs siegħa logħob meta l-captain Jake Micallef deher jiġbed lil Pio Esposito bir-referee jsaffar penalty ieħor. Mill-11 il-metru lis-stess Esposito ma’ żbaljax għal 2 – 0.
Seba minuti minn tmiem l-ewwel taqsima, l-Italja ġew mogħtija t-tielet penalty meta għal darba oħra l-captain Jake Micallef wettaq fawl ieħor fuq Pio Esposito bir-referee ma’ jkollux ebda għażla oħra ħlief li juri t-tieni karta safra lill-captain Malti u jordna penalty ieħor. Mill-11 il-metru l-konklużjoni ta’ Luca D’Andrea spiċċat barra biex l-ewwel taqsima intemmet 2 – 0.
Dak li m’għamilx fit-tmiem l-ewwel taqsima għamlu mal-ftuħ tat-tieni waħda għaliex Luca D’Andrea irnexxilu isib ix-xibka wara biss ftit sekondi minn azzjoni ta’ free-kick li ġiet devjata mid-difiża Maltija bil-ballun jispiċċa wara l-goaler Sacco.
Fil-67 minuta l-Italja laqtu l-lasta għal darba oħra minn daqqa ta’ ras ta’ Esposito
It-tim Malti ta’ Toze Mendes prova kemm jista jkun jikkontrolla s-sitwazzjoni hekk kif Malta kellha tilgħab it-tieni 45 minuti b’10 plejers.
Malta sofriet ir-raba u l-aħħar gowl ma’ ftit aktar minn 90 minuta meta s-sostitut Benjamin Hili waqqa lil Nicolo Turco bir-referee jornda r-raba penalty tal-logħba li minnhu Samele Vignato ma’ żbaljax.
Malta għalhekk tilfet l-ewwel partita 4 – 0 quddiem attendenza ta’ 3427. It-tim Malti jerġa jkun fl-azzjoni nhar il-Ħamis li ġej fil-21.15 kontra l-Polonja fic-Centenary Stadium.
Intant fl-ewwel partita tal-lum l-Portugall rebħu 2 – 0 kontra l-Polonja.
Ritratt: Domenic Aquilina
