Kafetterija toffri kafè b’xejn lill-ħaddiema li qed ineħħu l-periklu mit-toroq

F’jum bħal tal-lum ma tonqosx it-turija tal-ġenerożità u l-qalb tajba li l-poplu Malti huwa tant magħruf għalihom.

Fosthom il-ħaddiema ta’ LOFT Cafe Malta, li bdew jagħtu kafè b’xejn lil dawk kollha fl-uniformi li taw l-għajnuna tagħhom fil-maltemp.

Ġest li żgur jiġi apprezzat hekk kif ħaddiema bħal Pulizija, membri mid-Dipartiment tal-Protezzjoni Ċivili, membri mill-Armata u kif ukoll it-timijiet tal-ambulanzi jaħdmu qatigħ f’jum bħal dan sabiex iwasslu l-aqwa servizz lill-poplu Malti u Għawdxi.

Intant kien proprju hekk l-appell ta’ ħaddiem tal-Protezzjoni Ċivili fejn wara jum ta’ ħidma, apparti li appella lil kulħadd biex jibqa’ ġewwa, sostna kif opra ta’ karità tiġi apprezzata ħafna speċjalment meta persuna toffri tazza kafè lil xi ħaddiem f’dan it-temp tal-biża‘.