Fis-sigħat li għaddew tlaqqa l-kumitat ta’ Hamrun Spartans wara li kmieni din il-ġimgħa l-bord eżekuttiv tal-MFA irrifjuta r-reġistrazzjoni ta’ Joseph Portelli bħala plejer tal-stess tim.
Biex jirreġistra bħala plejer, Portelli kellu jirriżenja minn President, xi ħaġa li filfatt għamel kmieni l-ġimgħa li għaddiet.
Minn informazzjoni li għandu One Sport, Portelli talab sabiex ir-riżenja tiegħu tigi revokata liema talba ġiet aċċettata mill-membri tal-stess kumitat. Dan ifisser li b’effett immedjat Joseph Portelli ser jkun qed jerġa jokkuppa l-kariga ta’ President f’ħdan Hamrun Spartans FC.
Hamrun Spartans jkunu fl-azzjoni għada f’partita valida mill-Kampjonat Premier kontra Floriana, konfront li jibda fil-14.00 u ser jintlagħab fl-Stadium Nazzjonali f’Ta’ Qali.
