Fl-intervista tiegħu qabel illejla jkanta fil-kunċert ISLE OF MTV, Jonas Blue, qal li din mhux l-ewwel darba li jinsab f’Malta.
Meta mistoqsi jiddeskrivi d-diski li se jkun qed idoqq illejla, qal li se jkollu diski enerġetiċi. Fl-intervista li saritlu fil-lukanda Radisson f’San Ġiljan, id-DJ ta’ fama internazzjonali Jonas Blue qal li fil-futur jixtieq li jkollu ċ-ċans jagħmel kollaborazzjoni mużikali ma’ kantanti ta’ fama internazzjonali, fosthom Shawn Mendes, Camilla Cabello u Ellie Goulding.
Jonas Blue mhux se jkun qed idoqq waqt il-kunċert biss, iżda se jkun wieħed mid-DJS li se jdoqqu fl-after party tal-Isle of MTV li se jsir Numero Uno.
