L-atturi Angelina Jolie u Brad Pitt laħqu ftehim dwar il-kustodja ta’ wliedhom. Il-koppja nfirdet f’Settembru tal-2016 wara sentejn żwieġ.
Huma għandhom sitt itfal, tlieta addottati u tlieta bijoloġiċi, li l-età tagħhom tvarja bejn l-10 snin u s-17-il sena. Għadu mhux magħruf kif il-koppja se taqsam il-kustodja ta’ dawn is-sitt itfal.
Il-koppja ltaqgħu fl-2004 meta Pit kien għadu miżżewweġ lill-attriċi Jennifer Aniston. Dan kien it-tieni żwieġ tiegħu, u t-tielet żwieġ ta’ Jolie.
Il-battalja għall-kustodja tat-tfal kienet waħda qarsa, hekk kif Pitt kien anke investigat mill-Pulizija fuq allegazzjonijiet ta’ abbuż tat-tfal.
Brangelina se tibqa’ magħrufa fost affarijiet oħra għall-imħabba li kellhom għall-Gżejjer Maltin, tant li għażlu lil Għawdex bħala d-destinazzjoni għall-qamar il-għasel tagħhom.
