Jojo’s Birzebbuġa jinsabu fl-ewwel post tal-klassifika tal-kampjonat nazzjonali tal-Blackball meta kisbu għaxar punti minn erba’ logħbiet filwaqt li qed iżommu tliet punti vantaġġ fuq l-eqreb rivali Ħamrun 147 A li minkejja kollox għandhom logħba inqas.
Matul din il-ġimgħa huma spiċċaw fi draw ta’ 10-10 kontra l-istess Ħamruniżi f’logħba ferm emozzjonanti. F’aktar logħbiet, Ħamrun 147 C għelbu lil Domus Kids Zejtun 11-5 filwaqt li Selmun Sports Club A għelbu lil Ħamrun 147 B bl-istess skor.
Mill-banda l-oħra, il-kandidati għat-titlu, Cospicua Rangers A għelbu lil San Ġwann Boċċi 11-7.
Fir-Regional League, l-iktar tim konsistenti hu Qormi Anici Boys li s’issa kisbu punti massimi minn erba’ logħbiet. Huma għelbu lil San Ġwann Tiki Taka B 11-7 sabiex baqgħu jżommu r-rekord perfett.
Fit-tieni post hemm Qormi Pinto li wkoll ħarġu rebbieħa kontra Birkirkara Juve 11-4. Tliet punti kisbuhom ukoll Birkirkara Boċċi u Cospicua Rangers B li għelbu lil Qormi Anici Lions (11-6) u Qormi Anici Stars (11-3) rispettivament.
Fi grupp A tal-Community League, PL Balzan għandhom punti massimi wara li għelbu lil PL Floriana 11-4. San Ġwann Tiki Taka C u Selmun Sports Club B kisbu rebħiet identiċi ta’ 11-5 kontra Siġġiewi Montekristo u Attard Scorpions rispettivament. Finalment Qormi Anici Cappadocia għelbu 11-9 lil Zebbug St Joseph.
Fi grupp B tal-Community League, Qormi Anici Calleja Ltd għandhom disa’ punti minn tliet logħbiet u jinsabu fl-ewwel post tal-klassifika. Huma għelbu lil Gzira Titans 11-7.
sadanittant San Ġwann Tiki Taka D u Selmun Sports Club C kellhom rebħiet simili ta’ 11-6 kontra Qormi San Bastjan Boċċi u Mrieħel Billiard House rispettivament.
KLASSIFIKA – KAMPJONAT NAZZJONALI
Jojo’s Birzebbuġa 10, Ħamrun 147 A 7, Cospicua Rangers, Ħamrun 147 C, Selmun Sports Club A 6, San Ġwann Boċċi, Ħamrun 147 B 3, Domus Kids Zejtun 0
KLASSIFIKA – REGIONAL LEAGUE
Qormi Anici Boys 12, Qormi Pinto 10, Birkirkara Boċċi 9, San Ġwann Tiki Taka A 7, Cospicua Rangers B 6, San Ġwann Tiki Taka B, Qormi Anici Lions, Qormi Anici Stars 3, Birkirkara Juve 0.
KLASSIFIKA – COMMUNITY LEAGUE – GRUPP A
PL Balzan 9, San Ġwann Tiki Taka C, Qormi Anici Cappadocia 6, Zebbuġ St Joseph 4, PL Floriana, Siġġiewi Montekristo, Selmun Sports Club 3, Attard Scorpions 1.
KLASSIFIKA – COMMUNITY LEAGUE – GRUPP B
Qormi Anici Calleja Ltd 9, San Ġwann Tiki Taka D, Valletta Fossa Boys 6, Gzira Titans, Selmun Sports Club C 3, Qormi San Bastjan Boċċi, Mrieħel Billiard House 0.
