Il-grupp leġġendarju ABBA ħareġ l-album tiegħu ‘Voyage’.
Erbgħin sena wara l-aħħar album tagħhom, il-grupp Żvediż li kompla bis-suċċessi tiegħu wara r-rebħa fil-Eurovision Song Contest tal-1974, issa ħareġ l-album tant mistenni minn bosta.
Madankollu kritiċi tal-mużika kritikaw l-elementi mużikali fl-album il-ġdid tal-ABBA.
L-album mużikali ħareġ wara li xahrejn ilu l-ABBA ħareġ il-kanzunetti ‘I Still Have Faith In You’ u ‘Don’t Shut Me Down’.
Erbgħin sena wara li nfirdu, l-artisti tal-ABBA għadhom ibiegħu ħafna mid-diski li għamlu suċċessi bihom.
Mal-BBC, Benny u Bjorn, żewġ artisti minn erbgħa tal-ABBA, tkellmu dwar l-esperjenzi tagħhom u anki ġew mistoqsija dwar x’għandu jagħmel ir-Renju Unit biex imur tajjeb fil-Eurovision wara l-aħħar riżultati tal-aħħar snin.
Fi kliemhom, ir-Renju Unit jeħtieġ mhux biss ikollu l-kantant jew kantanta tajba iżda anki kanzunetta b’saħħitha u li tiġbed l-interess.
