Joe Camilleri huwa r-rebbieħ tat-tieni Ranking Tournament tal-kategorija Over 50’s organizzat mill-Malta Pool Association. F’ finali missielta Camilleri xejjen l-isfida tal-ex champion mondjali tal-kategorija b’ rebħa konvinċenti ta’ 8-3 biex issa kiseb post fit-tim nazzjonali tal-kategorija li ser jirrapreżenta lil Malta fil-kampjonati Ewropej li ser issiru f’pajjizna fi Frar li ġej.
F’ finali oħra kumbattuta, din id-darba tal-kategorija tal-Over 60’s, Tonio Mifsud għeleb lil Joe Camilleri bl-iskor ta’ 7-3 biex huwa wkoll kiseb post fit-tim nazzjonali tal-kategorija.
Il-lejla jinltagħbu tliet finali oħra fejn fil-kategorija tal-Irġiel Dejan Grech jaffronta lil Miguel Falzon, Matthias Debono u Steve Muscat jilgħabu fil-finali tal-kategorija taż-żgħażagħ ta’ taħt it-tmintax -il sena filwaqt li l-kategorija taż-żgħażagħ ta’ taħt it-tmintax -il sena ser tlaqqa’ lil Denzel Falzon u Jake Castaldi. Il-finali kollha jibdew fis-7pm u jintlagħbu fil-Każin Banda San Ġorġ Qormi.
