Id-dilettanti tal-futbol illum assistew għat-tlugħ tal-poloz tal-fażi tal-gruppi taċ-Champions League, biċ-champions renjanti Liverpool, jitilgħu fi grupp E mat-timijiet ta’ Napoli, FC Salzburg u Genk.
Grupp F qiegħed ikun meqjus bħala l-grupp tal-mewt, hekk kif fih hemm it-timijiet ta’ Barcelona, Borussia Dortmund, Inter u Slavia Praga.
Real Madrid u Paris St Germain se jkunu qed jilgħabu kontra xulxin fi grupp A, filwaqt li t-tim Taljan ta’ Juventus se jibda fi grupp D flimkien ma’ Atletico Madrid, Bayer Leverkusen u Lokomotiv Moscow.
Bayern Munich u Tottenham se jiltaqgħu ma’ xulxin fi grupp B, filwaqt li ċ-ċampjins tal-Europa League Chelsea telgħu fi grupp H.
Il-fażi tal-gruppi se tibda fis-17 ta’ Settembru, bl-aħħar logħba f’din il-fażi fil-11 ta’ Diċembru.
