Raġel Taljan ttella’ b’ħelikopter tal-Forzi Armati ta’ Malta wara li sab ruħu f’diffikultà waqt li kien qed jgħum f’Wied iż-Żurrieq. Jidher li għall-ħabta tal-erba neqsin kwart ta’ dalgħodu, daħal rapport li r-raġel kien jinsab f’diffikultà wara li niżel jgħum.
Minnufih huwa ġie salvat mill-membri tat-tiftix u s-salvataġġ li kienu abbord id-dgħajsa Melita 1 fejn wara ttieħed l-Isptar Mater Dei għall-kura medika.
