Ġew ikkanċellati numru ta’ titjiriet u ser jittardjaw ċertu titjiriet biex jitilqu minn Malta kif ukoll qabel ma jaslu Malta. Il-maġġoranza tat-titjiriet affettwatti huma dawk li ser itiru mir-Renju Unit u lura hekk kif numru ta’ titjiriet ġew sospiżi kawża ta’ temp erratiku u sever.
Ir-Renju Unit ntlaqat mit-Tempesta Caroline li magħha għandha ġġib silġ u riħ sever. Skont l-aġenzija tal-aħbarijiet internazzjonali SKY News, titjiriet mill-ajruport ta’ Birmingham ġew temporanjament sospiżi. Uffiċji Meteoroloġiċi qed joħorġu twissija mar-Renju Unit li l-maltemp mhux ser jieqaf u wissa’ li ċertu rħula jistgħu jinqatgħu għalihom. Huwa mistenni li t-temperaturi jinżlu iktar minn 10 gradi Celsius f’ċertu pajjiżi bħall-Iskozja u Wales.
