Somalu ta’ 30 sena tressaq il-Qorti wara li matul il-lejl ta’ bejn il-Ħadd u t-Tnejn inqabad jittraffika l-kokaina f’Paceville, ftit jiem biss wara li nħareġ mill-ħabs.
Huwa wieġeb ħati ta’ din l-akkuża u anke li kien fil-pussess tal-kokaina bl-intenzjoni li jittrafikaha ftit metri biss ‘il bogħod minn post tad-divertiment taż-żgħażagħ u li sar reċidiv.
Huwa ġie arrestat wara li l-pulizija nnuttaw li kien qiegħed jaġixxi b’mod stramb u meta saret tfittxija fuqu nstabu 3 pakketti kokaina, li kellhom 0.5 grammi kokaina kull wieħed. Iż-żagħżugħ ammetta li ried ibiegħhom għal €50 kull pakkett.
Iż-żagħżugħ inżamm arrestat u s-sentenza se tingħata fil-ħamsa ta’ Lulju.
