Jitlesta l-bini mill-ġdid ta’ triq fil-Furjana

L-aġenzija Infrastructure Malta ħabbret li lestiet il-bini mill-ġdid ta’ Triq is-Sur fil-Furjana.

F’kitba fuq l-midja soċjali, l-aġenzija qalet li f’din it-triq ta’ 200 metru ttejbu 39 konnessjoni tal-ilma u tpoġġew servizzi ġodda ta’ telekomunikazzjoni.

Intqal ukoll li l-aġenzija ħadmet b’reqqa kbira biex tkun imħarsa u tipproteġi l-bankini eżistenti tal-qawwi li jinsabu f’din il-belt storika.