Ħaddiem barrani li xogħolu huwa t-tindif tat-toroq f’Marsaskala lbieraħ filgħodu lemaħ raġel diżabbli li kellu bżonn l-għajnuna. Telaq kollox minn idejh u mar jgħinu minħabba li l-iscooter li jsuq sab diffikultà biex jgħaddi minn fuq ir-ramel u l-alka li tela’ l-art bil-maltemp.
Il-problema ssolviet bl-għajnuna tal-ħaddiem barrani li mbuttah u rnexxielu jitla’ fuq il-bankina.
Wara li dan ir-ritratt ġie ppubblikat fuq facebook, kienu ħafna l-kummenti pożittivi u ta’ tifħir lejn dan il-ġest mill-ħaddiem; ġest li għamel ħajjet ħaddieħor aktar faċli.
