Żewġt irġiel ġew arrestati b’rabta ma’ ċirku ta’ serq ta’ roti.
Fl-aħħar xhur il-Pulizija tad-Distrett ta’ Tas-Sliema nnutat żieda ta’ rapporti ta’ roti misruqin mil-lokalitajiet ta’ Tas-Sliema, il-Gżira u l-madwar.
Mill-investigazzjonijiet li saru ħareġ li dawn ir-roti kienu qed jinbiegħu f’suq miftuħ.
L-allegat bejjiegħ u l-allegat ħalliel tar-roti ġew arrestati, b’tal-aħħar ġie arrestat dalgħodu fil-Gżira u mistenni jitressaq il-Qorti.
Kreditu: Uffiċċju tal-Komunikazzjoni, Il-Korp tal-Pulizija ta’ Malta.
