Il-finalisti tal-61 edizzjoni ta’ SportMalta Awards – Għażliet Sportivi Nazzjonali tħabbru waqt konferenza li saret fi Sport Malta u li ġiet indirizzata mis-Segretarju Parliamentari Clifton Grima, miċ-Chairman ta’ SportMalta Luciano Busuttil u mill-President tal-Għaqda Ġurnalisti Sports Sandro Micallef.
Is-Segretarju Parlamentari Clifton Grima nnota bi pjaċir li s-suċċessi miksuba fl-2020 kienu notevoli u għalhekk l-investiment li qed jagħmel il-Gvern fl-isport qed iħalli l-frott tiegħu. L-Onor. Grima għamel aċċenn għas-somma ta’ €2.7 miljun li l-Gvern f’fondi lill-Kumitat Olimpiku Malti għall-erba’ snin li ġejjin. Huwa sostna l-Gvern huwa kommess li fi snin li ġejjin ikompli jinvesti dirett fl-atleti u jkomplu jżid l-professjonalità fl-isport Malti.
Matul il-konferenza tħabbru wkoll il-finalisti tas-seba’ kategoriji li l-ġurija se tkun qed tivvota għalihom matul l-avveniment, li se jsir b’mod diġitali mingħajr udjenza, u li se jkun qed jintwera live fuq Facebook u fuq l-istazzjonijiet sportivi ta’ TSN, nhar is-Sibt 13 ta’ Marzu fit-20:00.
Barra dawn is-seba’ kategoriji, se jsiru erba’ preżentazzjonijiet oħra: People’s Choice Award, l-Avveniment tas-Sena u 2 rikonoxximenti lill-atleti ta’ Special Olympics Malta.
Il-finalisti f’kull kategorija huma tlieta. Kull kontestant qed ikun iġġudikat fuq l-akkwisti tiegħu matul is-sena 2020, b’enfasi fuq unuri mirbuħa internazzjonalment.
Sportiva tas-Sena:
- Sue Abela (Ten Pin Bowling)
- Haley Bugeja (Football)
- Sacha Gatt (Għawm)
Sportiv tas-Sena:
- Rodney Gatt (Tiġrijiet taż-Żwiemel)
- Dejan Grech (Pool)
- Ben Plumpton (Waterpolo)
Żagħżugħa tas-Sena:
- Haley Bugeja (Football)
- Tenishia Thornton (Weightlifting)
- Tara Vella Clark (Ġinnastika)
Żagħżugħ tas-Sena:
- Kayden Lagana’ (Ten Pin Bowling)
- Richard Schultheis (Ibburdjar)
- Kijan Sultana (Squash)
Kowċ tas-Sena:
- Jesmond Caruana (Weightlifting)
- Devis Mangia (Football)
- Dorian Pisani (Waterpolo)
Uffiċjal tas-Sena:
- Vincent Degiorgio (Malta Pool Association)
- Andy Grech (Athletics Malta)
- Joseph Muscat (Malta Basketball Association)
Tim tas-Sena:
- Football – Tim Nazzjonali tan-Nisa
- Futsal – Luxol Futsal Club
- Ibburdjar – Elusive II
