Id-dati uffiċjali għall-Beland Music Festival tħabbru u dan il-festival tant mistenni minn bosta ser iseħħ bejn it-8 u l-10 ta’ Mejju li ġej.
Il-lokalità taż-Żejtun ser terġa’ tospita numru ta’ artisti lokali stabbiliti u ser jitħejja programm li jolqot udjenzi diversi.
Din ser tkun id-disa’ edizzjoni ta’ dan il-festival. Festival li tul is-snin sar popolari ferm mal-poplu Malti tant li jagħmel parti mill-kalendarju ta’ avvenimenti mużikali fuq bażi nazzjonali.
Il-Festival ser jittella’ b’appoġġ mill-Kunsill Malti għall-Arti u fil-ġimgħat li ġejjin ser tiġi żvelata aktar informazzjoni.
