Għal sena oħra, sar il-konkors tas-sbuħija għaż-żmien il-Milied, fejn intgħażlu r-re u r-reġina tal-Milied 2021. F’dan il-konkors tas-sbuħija, imtella’ minn Gaffiero Productions ħadu sehem aktar minn 80 parteċipant minn eta’ żgħira sa nisa miżżewġa.
Il-konkors sar fil-Belt Valletta fejn il-mudelli mmudellaw b’kustumi sbieħ tal-Milied u lbies eleganti, sabiex finalment il-ġurija vvutaw għar-rebbieħa tal-Milied ta’ din is-sena.
Miss Teen Christmas 2021 u Miss Christmas intrebħu minn Jeanne Spiteri u Shania Degiorgio filwaqt li Dylan Caruana rebaħ it-titlu ta’ Mr Christmas. Mrs Christmas intrebaħ minn omm ta’ żewġt’ itfal Rhiona Dimech u l-mudella ta’ figura akbar intrebaħ minn Charmaine Schembri. Mill-kategoriji tat-tfal, Faith u Zoya rebħu l-Little Miss Christmas u Junior Miss Christmas intrebaħ minn Chrizaya u Ilyana flimkien, filwaqt li bħala Junior Mr rebaħ Luca Arena .
