Studenta tal-Universitá, spiċċat vittma ta’ serqa mill-karozza tagħha li kienet ipparkjata f’Kordin. It-tfajla spjegat li f’basket li nsteraq mill-karozza tagħha kellha pen drive importanti hekk kif kellha t-teżi tagħha fuqha.
Hija appellat biex il-persuna jew persuni li serqulha l-basket, iżommu l-laptops li kien hemm fil-basket iżda jirritornaw lura din il-pendrive.
“Fuq din il-pendrive u dawn il-laptops għandi xogħol ta’ sitt xhur tat-teżi tad-Degree u tal-Masters. Anke jekk tirritornaw lura dak li hemm fil-basket biss, ikun biżżejjed għalija,” spjegat l-istudenta.
Hija appellat biex jekk il-persuna li ħadithom tixtieq tibqa’ anonima tpoġġi l-pendrive tagħha fil-kaxxa tal-posta tal-uffiċju tal-Kunsill tal-istudenti Universitarji.
Min għandu xi informazzjoni jista’ jċempel ukoll fuq 79946435.
Din it-tfajla serqulha:
- Żewġ laptops
- Pendrice
- Żewġ ċwievet tal-karozza
- Basket iswed
