Eluf ta’ persuni fl-Awstralja sabu kenn f’bajja fl-istat ta’ Victoria biex jaħarbu n-nirien fil-foresti li kulma jmur qed jirvillaw u jinfirxu mal-kosta.
Uffiċjali kkonfermaw li żewġ persuni oħra nqatlu bin-nirien fi New South Wales, biex tela’ għal tnax, in-numru ta’ persuni mejta minħabba l-kriżi tan-nirien.
L-awtoritajiet qalu li hemm numru ta’ persuni li jinsabu nieqsa f’Victoria u fi New South Wales.
Hemm aktar minn 12-il twissija f’livell ta’ emerġenza f’dawn iż-żewġ stati, bin-nirien qed jinfirxu fuq medda ta’ 500 kilometru.
Ritratt: ABC News
