Taljan ta’ disa’ u għoxrin sena, tressaq il-qorti fuq akkużi li seraq ‘il fuq min mitejn u tletin ewro bejn nhar it-Tlieta u l-Ħamis, bl-akkużat ġie mixli li għamel ħsara fuq propjetà ta’ ħaddieħor u li kien fil-pussess t’affarijiet misruqa.
Antonio Moscato kien akkużat li seraq xi ħadid u sarfu fi scrapyard u kien akkużat ukoll li kiser il-kundizzjonijiet mill-ħelsien mill-arrest. Huwa wieġeb li mhux ħati u talab għall-ħelsien mill-arresst, talba li ma ġietx aċċettata mill-Qorti.
Finalment, il-Qorti qalet li r-raġel għandu jibqa’ arrestat u jibda l-programm ta’ rijabilitazzjoni mill-vizzju tad-droga.
