Awet Estifanos Weldetinsae, ta’ 29 sena mill-Eritrea nżamm arresat wara li tressaq il-qorti mixli bil-pussess u t-traffikar ta’ 30 kilo droga.
Il-każ seħħ il-Ħadd li għadda meta l-akkużat inqabad bi droga ħaxixa u kokaina f’Paceville.
Huwa ġie mixli quddiem il-Maġistrat Victor Axiaq bi traffikar ta’ droga wara li l-prosekuzzjoni sostniet li l-ammont li nqabad bih ma kienx għall-użu personali tiegħu.
L-akkużat wieġeb mhux ħati tal-akkużi kontrih. Huwa nżamm fil-Faċilità Korrettiva ta’ Kordin wara li ma talabx għall-ħelsien mill-arrest wara qal lill-qorti li ma kellux saqaf fuq rasu.
L-Avukat tal-għajnuna legali Yanika Bugeja dehret għall-akkużat waqt li l-prosekuzzjoni tmexxiet mill-Ispettur Kevin Pulis.
