Hassan Jebrel ta’ 37 sena min-Niġer baqa’ jinżamm arrestat wara li tressaq il-Qorti mixli li traffika d-droga kannabis f’post pubbliku fejn ta’ spiss jinġabru ż-żgħażagħ.
Minn investigazzjoni li saret mill-Pulizija nstab li din id-droga ma kinitx għall-użu esklussiv tal-imputat, li jaħdem f’siti ta’ kostruzzjoni.
Il-Prosekuzzjoni qalet li l-akkużat mhux affidabbli u jekk jinħeles jista’ jerġa’ jwettaq reat simili.
Erba’ snin ilu, l-imputat kien weħel il-ħabs fuq traffikar tad-droga fi ġnien fil-Marsa.
