Gareth Clach ta’ 22 sena li jgħix Bormla inżamm arrestat wara li wieġeb mhux ħati li l-Ġimgħa li għaddiet, weġġa’ b’mod gravi lis-sieħba tiegħu f’Bormla.
Huwa ġie akkużat ukoll b’pussess ta’ droga u li hu riċediv.
Il-vittma ta’ dan l-allegat reat sofriet ġrieħi f’imneħirha u tkellmet fuq dan l-allegat attakk fuq Facebook, ftit wara li seħħ.
Fil-Qorti nstema’ kif il-koppja kellhom argument fuq il-mobile tal-allegat vittma u dan eskala. Intqal kif l-imputat mar l-għassa f’Bormla minn jeddu.
