Raġel ta’ 30 sena u li ismu ma jistax jixxandar fuq ordni tal-Qorti biex tiġi protetta l-identità ta’ martu u t-tfal tiegħu, baqa’ jinżamm arrestat. Huwa kien akkużat li wettaq atti sesswali fuq martu mingħajr il-kunsens tagħha filwaqt li kkawżala biża’ li tista’ tintuża l-vjolenza fuqha u xi ġrieħi ħfief.
L-akkużat wieġeb mhux ħati għall-akkużi miġjuba kontrih, madanakollu ma talabx għall-ħelsien mill-arrest għaliex ir-raġel jgħix fir-residenza ma’ martu u ma għandux residenza alternattiva.
