Charles Mangion ta’ 51 sena minn Santa Venera nżamm arrestat wara li ġie mixli li ta n-nar lil karozza Adrian Zammit, li huwa magħruf għall-filmati tiegħu fuq il-mezzi soċjali.
L-inċident seħħ fi Triq Stiefnu Zerafa, fil-Marsa, fil-lejl ta’ bejn is-Sibt 29 u l-Ħadd 30 ta’ Ottubru. Il-Mitsubishi Pajero Junior ta’ Zammit ingħatat in-nar b’konsegwenza li saru ħsarat ukoll lil mutur, li jappartjeni lil Jonthan Vella.
REKLAM
SKROLLJA BIEX TKOMPLI
Barra minn hekk, Mangion ġie mixli li kellu żewġ pjanċi tar-reġistrazzjoni li kienu rrapportati misruqa. Huwa wieġeb li mhux ħati, iżda l-Qorti baqgħet iżżommu arrestat.
