Inżamm arrestat Jeffrey Sultana ta’ 42 sena minn Ħaż-Żabbar; wara li fil-Qorti wieġeb mhux ħati li hedded lil missieru li jgħix miegħu waqt argument li nqala s-Sibt illi għadda f’xi ħin wara nofsinhar.
Jidher li din mhux l-ewwel darba li seħħew inċidenti ta’ din ix-xorta- dan hekk kif kien hemm rapporti oħra għand il-pulizija dwar dawn it-tip ta’ każijiet.
L-argument tas-Sibt illi għadda kien minħabba l-abbuż tad-droga mill-imputat. Id-difiża ma għamlet ebda talba għall-ħelsien mill-arrest u għalhekk l-akkużat inżamm arrestat.
