Żagħżugħ ta’ tlieta u għoxrin sena mis-Senegal baqa’ jinżamm taħt arrest wara li kien mixli bi traffikar u pussess tad-droga.
Huwa tressaq il-Qorti l-Ħamis wara li l-Erbgħa filgħaxija ġie arrestat mill-Pulizija hekk kif instabu fuqu 7 pakkett ħaxixa tal-kannabis, 14-il pillola ecstasy, pakkett kokaina u reżina tal-kannabis.
L-imputat ċaħad l-akkużi kollha fil-konfront tiegħu u ma talabx għall-ħelsien mill-arrest.
