Bejn il-bieraħ u llum insterqu l-A/Cs tat-tip Mercury EcoFresh u Westpoint barra l-klinika tal-Happy Paws Charity Organisation, Triq is-Salib tal-Marsa, fil-Marsa. Fuq Facebook l-organizazzjoni qalet li għall-ewwel ħasbu li dawn kienu bil-ħsara iżda wara ftit ħin irrealizzaw li dawn ma kinux qed jaħdmu għaliex ma kinux hemm.
Huma qalu li għandhom diversi operazzjonijiet skedati u li s-sħana kiefra tas-sajf ma tagħmilx ġid lill-pazjenti tagħhom.
Dawk kollha li għandhom xi informazzjoni dwar dan il-każ mitluba jikkuntattjaw lill-organizzazzjoni fuq joannagrezlikowska@gmail.com.
