Jinstab katavru f’Tenerife – aktarx taż-żagħżugħ Jay Slater

F’Tenerife, fi Spanja, instab il-katavru ta’ żagħzugħ, aktarx taż-żagħżugħ Jay Slater, hekk kif instab bl-istess ħwejjeġ.

Slater, li huwa mir-Renju Unit, ilu jiġi mfittex għal 29 ġurnata, qalb il-muntanji.

Minħabba l-fatt, li l-katavru nstab viċin ta’ fejn Slater ġie rrapurtat nieqes, kollox jindika li huwa taż-żagħżugħ, li ilu rrapurtat nieqes mis-17 ta’ Ġunju.

B’hekk issa se jibdew il-proċessi biex il-katavru jiġi identifikat.

Mill-ewwel investigazzjonijiet, jidher li ż-żagħżugħ jista’ jkun waqa’ f’żona fejn ma setax jitla’ lura.

Slater, li għandu 19-il sena, kien ġie rrapurtat nieqes wara festival li attenda.