Ftit tal-mumenti ilu dawk li qed imexxu t-tfittxija għall-ajruplan li għeb bil-plejer tal-futbol Emiliano Sala ppubblikaw ritratt tal-ajruplan tat-tip Piper Malibu f’qiegħ il-baħar. Minn filmat miġbud minn sottomarin żgħir li tniżżel sabiex jassisti fit-tfittxijiet deher ukoll katavru ta’ persuna ġewwa l-kabina tal-istess ajruplan. Dan l-ajruplan sparixxa minn fuq ir-radar tat-torri tal-kontroll fil-21 ta’ Jannar li għadda meta l-akkwist il-ġdid ta’ Cardiff City kien sejjer għall-ewwel sessjoni ta’ taħriġ mal-kumplament ta’ sħabu.
Waqt it-titjira Sala kien ikkomunika ma sħabu u qalilhom li t-titjira kienet tal-biża hekk kif l-ajruplan beda jaġixxi b’mod stramb.
