Jinstab iż-żagħżugħ Awstraljan ta’ 14-il sena li huwa fuq l-ispettru tal-awtiżmu u li ntilef fuq muntanja nhar it-Tnejn li għadda. Will Callaghan, li ntilef waqt li kien mal-familja tiegħu nstab f’qagħda ta’ saħħa tajba minkejja li għamel numru ta’ sigħat f’temperatura xxoqq il-għadam.
Kien voluntier, li huwa familjari maż-żona u li għalhekk kompla jfittex barra mill-parametri għat-tiftix, li sab liż-żagħżugħ. Ben Gibbs qal li malli lemaħ lil Callaghan, huwa qagħad ikellmu fuq Thomas, karattru ta’ serje televiżiva favurita tat-tifel sakemm wasslu l-ġenituri tiegħu.
Immedjatament saru xi testijiet mediċi fuq it-tifel fejn aktar tard huwa ttieħed l-isptar. Madanakollu huwa nstab f’saħħa tajba.
