Il-fdalijiet ta’ aircraft carrier Amerikan, li kien għereq fit-Tieni gwerra Dinjija, instab viċin il-kosta tal-Awstralja.
Il-USS Lexington instab f’fond ta’ madwar tlett kilometri fil-Baħar tal-Korall, madwar tmien mitt kilometri ‘l barra mill-kosta Awstraljana. Il-vapur intilef fil-Battalja tal-Baħar tal-Korall bejn l-erbgħa u t-tmienja ta’ Mejju tal-1942.
Iktar minn 200 persuna tal-ekwipaġġ mietu fil-ġlied. Il-flotta Navali Amerikana kkonfermat li l-vapur instab minn tim immexxi minn Paul Allen, wieħed mill-fundaturi ta’ Microsoft.
