Anzjan ta’ 74 sena ttieħed l-isptar wara li nqaleb bil-karozza ħdejn ir-roundabout tal-Ajruport.Il-każ seħħ għall-ħabta tad-9:28 meta għal xi raġuni x-xufier tilef il-kontroll u nqaleb bil-vettura meta kien sejjer direzzjoni lejn il-Gudja min-naħa tal-Ajruport, f’Dawret il-Gudja fil-Gudja.
Fuq il-post issejħu membri mid-Dipartiment tal-Protezzjoni Ċivili kif ukoll ambulanz sabiex jassistuh.
L-anzjan ittieħed l-isptar Mater Dei sabiex jingħata l-kura meħtieġa.
Il-kundizzjoni tiegħu għadha mhix magħrufa.
