Disgħa u erbgħin kontejner tal-erbgħin pied mimlija prodotti illegali nqabdu mid-Dwana Maltija matul l-ewwel tmien xhur ta’ din is-sena.
Dawn il-prodotti lkoll kienu se jiġu trasportati minn Malta.
Fi stqarrija d-Dwana qalet li s’issa, minn dawn il-kontejners kollha, id-Dwana ħattet u mmarkat tlieta u għoxrin kontejner, li fihom kien hemm għadd ta’ prodotti fosthom ftit anqas minn mija u sittin elf par żarbun sportiv, kważi sebat elef par żarbun normali, kważi sitta u għoxrin elf libsa u apparat elettroniku.
Inqabdu wkoll ħwejjeġ ta’ taħt u brieret foloz.
Il-valur ta’ dawn il-prodotti jlaħħaq is-sbatax punt tlieta miljun ewro.
