44 kilo droga kokaina ġew interċettati fil-Port Ħieles ta’ pajjiżna, liema ammont huwa stmat li jlaħħaq mal-€4.5 miljun.
Dawn instabu fil-panelli ta’ friża f’kontejner. B’kollox kien hemm 35 pakkett individwali li flimkien jammontaw 44 kilo. Id-droga ġiet interċetata permezz tal-iscanner il-ġdid Nuctech.
Id-droga telqet mill-Equador u waslet fil Port Ħieles ta’ Malta fejn hemmhekk ġiet interċetata mill-uffiċjali tad-dwana. Din id-droga kienet fi triqitha għas-suq Ċiprijott.
Il-każ itieħed mill-ewwel għand il-pulizija tal-Iskwadra ta’ Kontra d-Droga, filwaqt li nfetħet inkjesta maġisterjali mmexxija mill-Maġistrat Joe Mifsud.
