Kmieni dalgħodu uffiċjali tad-Dwana, waqt li kienu qed jissorveljaw il-monti tal-Belt Valletta, innutaw raġel ibigħ sigaretti tal-kuntrabandu. Ir-raġel, ta’ nazzjonalità Libjana, kellu kważi seba’ kaxxi sigaretti, ta’ mitejn sigarett ‘l waħda, meta resqu lejh l-uffiċċjali. Fuq il-post kellhom jissejħu l-Pulizija, wara li r-raġel sar aġitat u rrifjuta li jikkopera. Fil-fatt huwa ġie arrestat, u dlonk bdiet investigazzjoni.
Fi stqarrija relatat mal-każ, id-Dwana ta’ Malta fakkret kif dan l-aħħar il-multi relatati ma’ din l-attività żdiedu, bil-għan li jonqos il-kuntrabandu.
