Is-Sindku ta’ Sirakuża jinsab determinat li jikkonvinċi lill-Virtu Ferries jibdew jagħmlu vjaġġi diretti minn Malta għal Sirakuża. B’rapport fil-midja tal-post jgħidu li dalgħodu se jsiru laqgħat li mistennija jwasslu għal ftehim bil-vjaġġi tal-catamaran jibdew minn Mejju u jsiru darba f’ġimgħa għax-xhur tas-sajf.
B’hekk filwaqt li l-kumpanija żżomm Pozzallo bħala l-port ewlieni tkun qed iżżid ukoll destinazzjoni oħra għal Maltin li saru jitilgħu Sqallija ta’ sikwiet u anke t-Taljani li jagħżlu Malta għal xi btala qasira.
