Eritrean ta’ 30 sena li joqgħod l-Imsida ngħata l-ħelsien mill-arrest wara li tressaq il-Qorti mixli bi traffikar tad-droga.
Il-pulizija qalet li lbieraħ ġie arrestat mill-Pulizija mill-Iskwadra ta’ Kontra d-Droga waqt tfittixja mill-Pulizija.
Intqal kif huwa nstab fil-pussess ta’ madwar 60 pakkett b’sustanza suspettata droga kannabis lesta biex tiġi ttraffikata.
Quddiem il-Maġistrat tal-Għassa Caroline Farrugia Frendo, l-akkużat wieġeb mhux ħati tal-akkużi miġjuba kontrih.
Kreditu: Uffiċċju tal-Komunikazzjoni, Il-Korp tal-Pulizija ta’ Malta
