Fi tmiem il-ġimgħa fil-kumpless sportiv tal-Kottonera ngħata l-bidu għall-kompetizzjoni tat-Tazza Nazzjonali organizzata mill-Assoċjazzjoni Maltija tal-Volleyball. Dan permezz ta’ tliet partiti li ntrebħu minn teams mis-Super League.
Fl-ewwel logħba li saret is-Sibt, Falcons rebħu lil Flyers bl-iskor ta’ 3-0.
It-tieni logħba bejn iċ-champions Swieqi Phoenix Nium u Mġarr ukoll rat suċċess ta’ Swieqi bl-iskor ta’ 3-0.
Fl-aħħar logħba minn din il-kompetizzjoni Birkirkara rebħu lit-team mill-Ewwel Diviżjoni Depiro bl-iskor ta’ 3-0. Madankollu t-team Karkariż kellu jitħabat mhux ftit biex rebaħ l-ewwel żewġ sets. Dan bl-iskor ta’ 25-23 u 27-25. L-aħħar set intrebaħ minn Birkirkara 25 għal 13.
Issa fis-semi finali x-xahar id-dieħel Falcons jaffrontaw lil Swieqi u Birkirkara lit-team mill-Ewwel Diviżjoni ta’ Paola Executive Security.
Il-Ħadd sar ukoll festival tal-volleyball għat-tfal imwielda fl-2011. Ħadu sehem numru sabiħ ta’ tfal minn diversi clubs, attendenza li tikkonferma kemm dan l-isport qiegħed verament jikber f’pajjiżna.
Riżultati
U19
Flyers VC vs Swieqi Phoenix Tough Cookies 0-3
Tazza Nazzjonali
Flyers VC vs Falcons VC 0-3
Swieqi Phoenix NIUM vs Mgarr Volley 3-0
Birkirkara VC vs Depiro 3-0
