Fi Knisja ppakkjata f’Marsaskala, ingħata l-aħħar tislima Gordon Spiteri, ir-raġel li qed ikun desrkitt bħala eroj li miet biex isalva lil ħaddieħor.Gordon kien milqugħ fi knisja mimlija nies li ffurmaw il-vjaġġ tiegħu fuq din l-art. Vjaġġ li ntemm kmieni wisq.
F’ħemda li ttarrax aktar minn kwalunkwe tip ta’ storbju, fil-preżenza ta’ nies li għadhom ma jistgħux jemmnu li Gordon telaqhom ħesrem u f’qasir il-għomor, Gordon ingħata tislima xierqa li rriflettiet ir-rispett u l-imħabba li kien igawdi minnhom matul ħajtu.
Fl-omelija, il-Kappillan ta’ Marsaskala ddeskriva lil Gordon bħala raġel umli u altruist, li ħalla din id-dinja b’kuraġġ u qlubija.
