Ix-xemx tiżreġ ta’ wara nofsinhar ma qatgħetx qalb dawk li ħasbulu minn kmieni għal dak li għal ħafna hu meqjus bħala l-akbar festival mużikali tas-sena, Unite with Tomorrowland.
Festival li l-qofol tiegħu kien fil-Belġjum però din is-sena t-togħma tiegħu ngħatat f’pajjiżna. Xi ħaġa li qajmet l-interess ta’ Maltin kif ukoll barranin li ddeċidew jattendu.
Anke jekk mhux qegħdin il-Belgju, xorta waħda bosta sostnew li pajjiżna joffri ambjent ideali għall-avveniment bħal dawn.
Fil-Marsa Sports Ground spikkaw il-bnadar ta’ pajjiżi differenti, simbolu ta’ int minn fejn int, kulħadd jingħaqad permezz tal-mużika.
Tomorrowland Unite f’pajjiżna kellu sehem ta dj’s Maltin u barranin u dak tal-Belgju kien hemm sehem dirett Malti, ta’ DJ Tenishia li għalih kienet ir-raba’ darba li ħa sehem f’festival imfittex minn bosta.
