Raġel ta’ 38 sena ġie ċċertifikat li ndarab ħafif wara li qala’ daqqiet ta’ sikkina lbieraħ filgħaxija waqt argument fil-Gżira.
L-inċident seħħ għall-ħabta tad-21:00 ta’ filgħaxija fi Triq Ponsonby fil-Gżira.
L-argument seħħ bejn żewġt irġiel fejn meta eskala, persuna minnhom ta daqqiet ta’ sikkina lill-ieħor.
Fuq il-post issejħet ambulanza fejn ħadet lill-midrub l-isptar fejn aktar tard ġie ċċertifikat li ndarab ħafif.
L-investigazzjonijiet tal-Pulizija għadhom għaddejjin.
